الجمعة، 1 أبريل 2011

حبيت افيدكم !

..

بيمنا هالاجازه القصيره خلاص اقدر اقول خلصت ..

وانا قضيتها بس في السينما حبيت اعطيكم نبذه عن الافلام اللي دخلتها


طبعا انا كنت دايما احرص على اختيار افلام تناسب الاطفال والسبب عسب ما انحرج لو اخوي كان وياي وفيه لقطات
غير لائقه ..!

لكن .. >.< همم ما علينا خلونا نبدأ


يرمس عن هالشي اللي ما اعرف اسمه ..
يدور في الصحرى عسب يوصل مدينه يستقر فيها
وتتوالى الاحداث لين يوصل قريه ويجذب عليهم ويقول انه بطل وانه قتل وانه ..الخ
ويعينونه شرطي المدينه مالهم
المدينه هاي كانت تعاني من الجفاف يعني ما عندهم ماي وكانوا مقدسين الماي بطريقه غريبه

الفلم عيبني وحلو ولسبب ما امي ما عيبه
لان في لقطات تلوع الجبد شوي لقطه او لقطتين
المفاجاه .. ان في نهايه الفلم فيه لقطه غير لائقه ..
معنه رسوم اطفال طبعا اخواني الصغار قاموا يطلعون بعض ويضحكون
وامي . ببساطه تمت تسبني ..







واايد حلو هالفلم دخلنا
3D
عيبتني قصته عن طفل يكتشف ان سفينه فضاء يايه من المريخ  شلت امه ..
بوسط الليل وطبعا هو بيلحقها عسب ينقذها

الفلم حاز على اعجاب اخواني الصغار واخيرا شي عجبهم
لدرجه ان بعد ما خلص الفلم طلبوا انهم يعيدونه على الشاشه !!



الفلم الاخير دخلناه فتره الصبح عسب ما يكون فيه ناس وسرنا بروحنا
انا وامي واخوي المتوسط
طبعا كنت طول الدرب متردده لانه مب فلم اطفال وصح اخوي ما كمل ال 16 بعده
بس استحي ادخل معاه في فلم تكون فيه لقطات غير لائقه
بس امي من كثر ما سمعت عن هالفلم الا تدخله
اللي هو


فلم حلوو بصراحه ومضحك
و القصه غير متوقعه
وبصراحه اول مره ادخل فلم مصري ما يكون فيه لقطات غير لائقه !
يمكن برمستهم فيه
لكن لقطات بمعنى لقطات ما فيه والحمدلله على هالشي
و الحمدلله القاعه فاضيه ولا جان ما بنروم نضحك على راحتنا


وبس = )


هناك تعليقان (2):

heart moon يقول...

زين زين ما عزمتونا ^__^ انا احيان اسير وادش افلام اطفال خخخ
مدونة جميلة واصلي تميزج ..

حــبــر ورقــــ ! يقول...

هههه حياك يا اخوي المره اليايه ان شاء الله ..
معنه شفت دعايه للافلام اليديده ما عيبني شي

..

والله افلام الاطفال ههه احلى عن افلام فئه كبار السن احيانا ..

= ) تسلم على المرور